Azərbaycanın Sənaye Portalı

Rekvizitlər:

Bakı

“Sumqayıt Kimya Sənaye Parkı” MMC, “Demirchi Tower”, 20-ci mərtəbə, Xocalı pr. 37, AZ1025, Bakı, Azərbaycan.
 

Sumqayıt

“Sumqayıt Kimya Sənaye Parkı” MMC,
Kimyaçılar küç., 1, AZ 5002, Sumqayıt, Azərbaycan.
Tel.: (+994 12) 488 80 65
Faks: (+994 12) 488 80 64
E-mail: office@scip.az
Veb-sayt: www.scip.az
 

Yaradılması:

Sumqayıt Kimya Sənaye Parkı “Sumqayıt Kimya Sənaye Parkının yaradılması haqqında” Azərbaycan Respublikası Prezidentinin 2011-ci il 21 dekabr tarixli 548 nömrəli Fərmanı ilə yaradılmışdır.

İdarəedici təşkilat:

Sumqayıt Kimya Sənaye Parkının idarəedici təşkilatı Azərbaycan Respublikasının İqtisadiyyat Nazirliyinin tabeliyində fəaliyyət göstərən “Sumqayıt Kimya Sənaye Parkı” Məhdud Məsuliyyətli Cəmiyyətidir.

Ərazi:

Sumqayıt Kimya Sənaye Parkı sahibkarlıq fəaliyyətinin həyata keçirilməsi üçün zəruri infrastruktura və idarəetmə qurumlarına malik olan, müasir texnologiyaların tətbiqi yolu ilə rəqabət qabiliyyətli məhsullar istehsalı və xidmətlər göstərilməsi məqsədləri üçün istifadə edilən, sahibkarların səmərəli fəaliyyətinə və inkişafına kömək edən ərazidir. Sənaye parkının ərazisində neft-kimya və digər prioritet sənaye sahələri üzrə rəqabət qabiliyyətli məhsulların (işlərin, xidmətlərin) istehsalı və emalı müəssisələri yaradılır.

Paytaxt Bakıdan 32,5 km məsafədə Sumqayıt şəhərində yerləşən və nəhəng infrastruktura malik Sumqayıt Kimya Sənaye Parkının ərazisi 505,64 hektar təşkil edir. Sumqayıt Kimya Sənaye Parkının Baş Planına əsasən Parkın Sənaye Zonasında aqro və tibb kimyası, məişət kimyası, tikinti sənayesi kimyası, elektronika və avtomobil sənayesi kimyası, polimerlər və sənaye avadanlıqlarının istehsalı üçün nəzərdə tutulmuş müəssisələr yerləşəcək.

Müasir üslubda dizayn edilmiş və 21 hektar təşkil edəcək Sosial zonada Parkın rezidentləri üçün böyük imkanlar yaradılacaq. Burada 16 mərtəbəli inzibati bina, Sərgi-Konfrans Kompleksi, Peşə Təhsil Mərkəzi, Laboratoriya binası, emalatxanalar, Uşaq Baxım Mərkəzi, açıq və qapalı idman meydançaları, Sağlamlıq Mərkəzi, Yataqxana Kompleksi, həmçinin rezidentlər və işçilərə xidmət edəcək digər obyektlər fəaliyyət göstərəcək.

Rezidentlər:

Sumqayıt Kimya Sənaye Parkının hazırda 18 rezidenti var:

“Azertexnolayn” Məhdud Məsuliyyətli Cəmiyyətinə 23 sentyabr 2013-cü il tarixində Sumqayıt Kimya Sənaye Parkının rezidenti statusu verilmişdir.

Müəssisə Sənaye Parkının 23,6 ha torpaq sahəsində Türkiyə, Almaniya, Yaponiya və Çin texnologiyası əsasında ildə 75 min ton müxtəlif diametrli polad borular, 6,5 min ton müxtəlif diametrli və yüksək təzyiqə davamlı hidrotexniki avadanlıqlar və 3 min ton xüsusi təyinatlı müxtəlif diametrli polietilen borular istehsal edir.

Sumqayıt Kimya Sənaye Parkının ərazisində “Azertoxnolayn” MMC-nin 3 zavodu – Polad Boru Zavodu, Polietilen Məmularları Zavodu və Texniki Avadanlıqlar Zavodu fəaliyyət göstərir. Hazırda zavodlarda 750 nəfər işlə təmin olunub. 

“SOCAR Polymer” Məhdud Məsuliyyətli Cəmiyyətinə 23 sentyabr 2013-cü ildə Sumqayıt Kimya Sənaye Parkının rezidenti statusu verilmişdir.

Şirkət Sumqayıt Kimya Sənaye Parkının 35 ha torpaq sahəsində ildə 180 min ton polipropilen (PP) və 120 min ton yüksək sıxlıqlı polietilen (HDPE) istehsal edəcəkdir.

Layihənin reallaşdırılması polimer xammalı əsasında yeni istehsal müəssisələrinin yaranmasına, kiçik və orta sahibkarlığın inkişafına geniş imkanlar yaradacaq. Müəssisədə yerli xammaldan, Sumqayıtda istehsal olunan propilen və etilendən istifadə edəcəkdir.

Layihə üzrə 500 nəfər daimi iş yeri ilə təmin olunacaqlar. Layihənin tikinti mərhələsində 3600 nəfərdən artıq insanın cəlb edilib.

“AzerFloat” Qapalı Səhmdar Cəmiyyətinə 28 iyul 2017-ci il tarixində Sumqayıt Kimya Sənaye Parkının rezidenti statusu verilmişdir.

Şirkət Sənaye Parkının 12 ha torpaq sahəsində termofarmasiya texnologiyası əsasında ildə 8 mln. m2 müxtəlif çeşiddə şüşə lövhələr istehsal edəcək Vərəqə Şüşə İstehsalı Zavodunun inşası nəzərdə tutulur.

Yeni yaradılan müəssisənin layihələndirilməsi, onun bu sahəyə aid olan müasir avadanlıqlarla və qabaqcıl texnologiyalarla təchiz edilməsi dünyada şüşə əritmə texnologiyaları sahəsində 130 illik təcrübəyə malik olan Almaniyanın “HORN Glass Industries AG” şirkəti tərəfindən təmin ediləcəkdir.

Layihə çərçivəsində 180 nəfəri daimi iş yeri ilə təmin olunacaqlar.

“Azerbaijan Fibro Cement” Məhdud Məsuliyyətli Cəmiyyəti “Synergy Group” ASC-yə daxildir. 5 fevral 2015-ci il tarixində Sumqayıt Kimya Sənaye Parkının rezidenti statusu verilmişdir.

Müəssisə sənaye parkının 10,45 ha torpaq sahəsində lifli sement (fibro-sement) lövhələrin istehsalını həyata keçirəcək. Layihə çərçivəsində ildə 6 mln. m2 fasad üçün düz lövhələr və dam örtükləri istehsal edən zavod inşa ediləcək. Yeni yaradılan müəssisənin layihələndirilməsi, müasir avadanlıqlarla və qabaqcıl texnologiyalarla təchiz olunması Avropanın bu sahədə aparıcı şirkətlərindən olan Avstriyanın “MFL” şirkəti tərəfindən təmin ediləcəkdir.

Layihə çərçivəsində 200 nəfər daimi iş yeri ilə təmin olunacaqlar.  

“Bakı Əlvan Metallar və Ferroərintilər Şirkəti”nə (“Baku Non Ferrous and Foundry Company”) 19 fevral 2016-cı il tarixində Sumqayıt Kimya Sənaye Parkının rezidenti statusu verilmişdir.

Şirkət Sənaye Parkının 5 ha torpaq sahəsində ildə 20 min ton ferrosilisium (FeSi) və 36 min ton ferrosilikomanqan (FeSiMn) istehsal edəcək Ferroərintilər Zavodunun inşası nəzərdə tutulur.

Layihə çərçivəsində 70 nəfər daimi iş yeri ilə təmin olunacaq.

2005-ci ildən Azərbaycanda fəaliyyətə başlamış “SİKA” Məhdud Məsuliyyətli Cəmiyyətinə 15 mart 2016-cı il tarixində Sumqayıt Kimya Sənaye Parkının rezidenti statusu verilmişdir.

Müəssisə Sənaye Parkının 1,5 ha torpaq sahəsində illik istehsal gücü 5 min ton olan inşaat qatqıları üçün xammal və hazır məhsul istehsalını həyata keçirəcək zavod inşa edəcək.

Hazırda tikinti məhsullarının istehsalında xammal kimi istifadə edilən “Sikament 300”, “Sikament FF5” və “Sigunit L25” kimi maddələrin Azərbaycana illik idxalı təxminən 800-1000 ton təşkil edir. Bu maddələrin ölkəmizdə istehsal edilməsi idxalı əvəz edən yerli məhsulların istehsalına imkan yaradacaq, məhsullarda xarici komponentlərdən istifadəni azaldacaq. Layihə çərçivəsində 60 daimi iş yerinin açılması nəzərdə tutulur. 

İsveçrənin beynəlxalq miqyaslı kimya şirkəti olan “SİKA” 1910-cu ildə yaradılıb və dünyanın 80 ölkəsində 150 fabriki fəaliyyət göstərir.

“MST Group” şirkətinə daxil olan “MST Engineering Services” Məhdud Məsuliyyətli Cəmiyyətinə 14 mart 2016-cı il tarixində Sumqayıt Kimya Sənaye Parkının rezidenti statusu verilmişdir.

Müəssisə Sənaye Parkının 2 ha torpaq sahəsində ABŞ-ın "Parker Hannifin" şirkəti ilə birgə ildə 30 min ədəd müxtəlif növ və çeşiddə aşağı, orta və yüksək təzyiqə davamlı xortum və fitinq birləşmələrinin istehsalı həyata keçirəcək.

İstehsal olunan avadanlıqlar kimya, maşınqayırma, metallurgiya, neft-qaz, tikinti və qida sənayesində istifadə olunacaq. Müasir avadanlıqlar və texnologiyalarla təchiz ediləcək zavodda 40 nəfər işlə təmin olunub. Zavodda istehsal ediləcək məhsullar daxili tələbatı ödəməklə yanaşı, MDB ölkələrinə ixrac olunacaq.

“Aqrokimya Azərbaycan” Məhdud Məsuliyyətli Cəmiyyətinə 13 iyun 2016-cı il tarixində Sumqayıt Kimya Sənaye Parkının rezidenti statusu verilmişdir.

Şirkət Azərbaycanda ilk dəfə bitki mühafizəsi vasitələri olan pestisidlərin – bitkilərin ziyanvericilərdən, xəstəliklərdən, alaq otlarından mühafizəsi üçün aqrokimyəvi məhsulların istehsalını və satışını həyata keçirəcək.

“Aqrokimya Azərbaycan” MMC Sənaye Parkının 18,4 ha torpaq sahəsində 1-ci mərhələdə illik istehsal gücü 20 min ton olana 145 çeşiddə pestisid istehsal ediləcəkdir. Bunun da 51 növü insektisid, 58 növü funqusid, 27  növü herbisid və 9 növü isə digər aqrokimyəvi məhsullar olacaqdır. İstehsal olunacaq pestisidlərin keyfiyyət göstəriciləri zavodun daxilində beynəlxalq standartlara uyğun qurulmuş laboratoriyada müəyyən ediləcəkdir.

Layihə çərçivəsində 100 nəfər insan daimi iş yeri ilə təmin olunub.

“Alco” Məhdud Məsuliyyətli Cəmiyyətinə 29 iyul 2016-cı il tarixində Sumqayıt Kimya Sənaye Parkının rezidenti statusu verilmişdir.

Şirkət Sumqayıt Kimya Sənaye Parkının 2,5 ha torpaq sahəsində Almaniya texnologiyası əsasında ildə 30 min ton sürtkü yağlarını istehsal edəcəkdir.

İstehsal ediləcək yüksək keyfiyyətli və rəqabətədavamlı sintetik və yarı-sintetik yağların yerli bazarda satılmaqla yanaşı, bir qisminin də Almaniya, Türkiyə, Gürcüstan və MDB ölkələrinə ixrac edilməsi nəzərdə tutulmuşdur.

Layihə çərçivəsində 100 nəfər daimi iş yeri ilə təmin olunub.

“STDC” Məhdud Məsuliyyətli Cəmiyyətinə 31 mart 2017-ci il tarixində Sumqayıt Kimya Sənaye Parkının rezidenti statusu verilmişdir.

Şirkət tərəfindən Sumqayıt Kimya Sənaye Parkının 3,3 ha torpaq sahəsində Data Mərkəz yaradılacaq. Data Mərkəzdə ABŞ və Avropa istehsalı olan ən müasir, yüksək gücə malik texnoloji hesablama, kommunikasiya və təhlükəsizlik avadanlıqlardan istifadə ediləcək.

Müəssisə istifadəyə verildikdən sonra müxtəlif tipli informasiyaların emalı, saxlanılması və ötürülməsi, informasiya təhlükəsizliyinin təmin olunması sahəsində beynəlxalq və yerli müştərilərə xidmət göstərəcək. Burada nəzarət və digər sistemlərin idarə edilməsi 4 növbəli iş rejimi ilə 7/24 olmaqla bütün sutkanı əhatə edəcək.

Layihə çərçivəsində 100 nəfər daimi iş yeri ilə təmin olunub.

“Azərxalça” Açıq Səhmdar Cəmiyyətinə 11 sentyabr 2017-ci il tarixində Sumqayıt Kimya Sənaye Parkının rezidenti statusu verilmişdir.

Şirkət tərəfindən Sumqayıt Kimya Sənaye Parkının 6,4 ha torpaq sahəsində İtaliya, Fransa və Türkiyə texnologiyaları əsasında Yunəyirici-boyaq fabriki yaradılacaq. Fabrikdə ildə 1500 ton xam yunun emalı nəzərdə tutulur. Həmin xam yundan ildə 400 ton təmiz yun və 250 ton yun iplik əldə olunacaq. Fabrikdə ipliklərin boyanması prosesi də həyata keçiriləcək.

Müəssisə Cənubi Qafqazda yerli təsərrüfat-xammal imkanları əsasında ilk yunəyirici və boyaqçılıq müəssisəsi olacaq. İstehsal ediləcək məhsul Azərbaycanla yanaşı, ABŞ, Avropa və ərəb ölkələrinə də ixrac ediləcək.

Layihə çərçivəsində 100 nəfər daimi iş yeri ilə təmin olunub.

“STP” Məhdud Məsuliyyətli Cəmiyyətinə 3 noyabr 2017-ci il tarixində Sumqayıt Kimya Sənaye Parkının rezidenti statusu verilmişdir.

“STP” MMC Sumqayıt Kimya Sənaye Parkının 156,75 ha torpaq sahəsində müxtəlif istehsalat sahələri üzrə ixtisaslaşmış zavodlar kompleksidir. 

Kompleks 13 istehsalat sahəsini (Elektrik avadanlıqlar zavodu, Kabel zavodu, Ağır maşınqayırma zavodu, Polimer məmulatlar zavodu, Metaləritmə zavodu, Qaynar sinkləmə zavodu, Sendviç panel zavodu, Texniki qazlar zavodu, Mis və aliminium çubuqları zavodu, İnşaat məmulatları zavodu, Transformator zavodu, Metal konstruksiyalar zavodu, Aliminium və mis profillər zavodu) özündə birləşdirir.Bu müəssisələrdə Avropa, Yaponiya və Çin texnologiyası əsasında müxtəlif təyinatlı sənaye məhsulları (elektrik avadanlıqları, kabel, polimer məhsulları, qaldırıcı kranlar, sendviç panellər, metal konstruksiya, ağır maşınqayırma üzrə məhsullar, havalandırma sistemləri, ödəniş terminalları, PVC qapı və pəncərə, günəş kollektorları və s.) istehsal edilir.

Hazırda layihə çərçivəsində 2000 nəfər daimi iş yeri ilə təmin olunub.

"Tabaterra" Qapalı Səhmdar Cəmiyyətinə 17 noyabr 2017-ci il tarixində Sumqayıt Kimya Sənaye Parkının rezidenti statusu verilmişdir.

Şirkət Sumqayıt Kimya Sənaye Parkının 5,52 ha torpaq sahəsində tütün məmulatları fabriki inşa ediləcək. Fabrikdə beynəlxalq standartlara cavab verən siqaret istehsal ediləcək. Şirkət tərəfindən Sumqayıt Sənaye Parkının ərazisində Böyük Britaniya, Almaniya və İtaliya texnologiyaları əsasında qurulacaq fabrikdə bu ölkələrin standartlarına uyğun olaraq il ərzində 7 milyard ədəd ağır, yüngül və daha yüngül dərəcəli olmaqla üç növdə (Ənənəvi standart ölçülü - King Size formatlı siqaretlər, Müasir - Demi Slims formatlı siqaretlər və Super Slims -– Nano formatlı siqaretlər) filterli siqaretlər istehsal ediləcək ki, bu da ölkənin tütün məmulatlarına olan tələbatının 70 faizini ödəyəcək.

Layihə çərçivəsində 200 nəfər daimi iş yeri ilə təmin olunacaq.

SOCAR Karbamid Zavoduna 6 dekabr 2017-ci il tarixində Sumqayıt Kimya Sənaye Parkının rezidenti statusu verilmişdir.

Zavod Sumqayıt Kimya Sənaye Parkının 39,27 ha torpaq sahəsində Danimarkanın “Haldor Topsoe” və Niderlandın “Stamicarbon B.V.” şirkətlərinin texnologiyası əsasında ildə 650-660 min ton azot gübrəsi istehsal ediləcəkdir.

Zavodun istismara verilməsilə 500 nəfər daimi iş yeri ilə təmin olunacaqdır.

“SumPlast” Məhdud Məsuliyyətli Cəmiyyətinə 11 dekabr 2017-ci il tarixində Sumqayıt Kimya Sənaye Parkının rezidenti statusu verilmişdir.

Şirkət Sumqayıt Kimya Sənaye Parkının 1 ha torpaq sahəsində Almaniya texnologiyası əsasında beynəlxalq standartlara cavab verən sənaye istifadəsi üçün polimerdənildə 1300 ton kisə və torbaların istehsalını həyata keçirəcək. Polietilen xammalının 30%-i “SOCAR Polymer” MMC-dən alınacaq. Layihənin növbəti mərhələsində polipropilendən toxunma böyük ölçülü torbaların və konteynerlərin istehsalı planlaşdırılır.

Layihə çərçivəsində 30 nəfər daimi iş yeri ilə təmin olunacaq.

“LabDisc Azərbaycan” MMC 6 fevral 2018-ci il tarixində Sumqayıt Kimya Sənaye Parkının rezidenti statusu almışdır.

Sumqayıt Kimya Sənaye Parkının 0.02  ha torpaq sahəsində İsrail texnologiyası əsasında təhsil prosesində istifadə edilən elektron cihaz və avadanlıqların istehsalı (Mobile Science Cart, IPRO – Labdisc Biochem, IPRO – Labdisc Physics, Force Sensor və Intel Tablet) və onlara xidmət göstərilməsi planlaşdırılır.

Müəssisədə 43 iş yerinin açılması nəzərdə tutulur.

"Nexus Labs" Məhdud Məsuliyyətli Cəmiyyətinə 12 mart 2018-ci il tarixində Sumqayıt Kimya Sənaye Parkının rezidenti statusu verilmişdir.

Şirkət tərəfindən Sumqayıt Kimya Sənaye Parkının 2 ha torpaq sahəsində Data Mərkəz yaradılacaq. Data Mərkəzdə ABŞ və Avropa istehsalı olan ən müasir, yüksək gücə malik texnoloji hesablama, kommunikasiya və təhlükəsizlik avadanlıqlardan istifadə ediləcək. Mərkəzdə 2,5 MVtməlumatın emalı, qeydə alınması və ötürülməsi həyata keçiriləcəkdir.

Layihə çərçivəsində 22 nəfər daimi iş yeri ilə təmin olunacaq.

"ARCHİ GLASS" Məhdud Məsuliyyətli Cəmiyyətinə 5 oktyabr 2018-ci il tarixində Sumqayıt Kimya Sənaye Parkının rezidenti statusu verilmişdir.

Şirkət Sumqayıt Kimya Sənaye Parkının 4,4 ha torpaq sahəsində İtaliya, Çin və Türkiyə texnologiyası əsasında 240 min m2 şüşə və 50 min ədəd saxsı məmulatlarının hazırlanması nəzərdə tutulur.

Layihə çərçivəsində 34 nəfər daimi iş yeri ilə təmin olunacaq.

Rəhbərlik:

“Sumqayıt Kimya Sənaye Parkı” MMC-nin direktoru Nazim Talıbov, direktor müavinləri Rəvayət Mustafayev və  Zaur Məmmədovdur.

İnfrastruktur:

Enerji təchizatı

Sumqayıt Kimya Sənaye Parkının ərazisində rezidentlərin fasiləsiz və stabil gərginlikli elektrik enerjisi təchizatı üçün müasir transformatorlar quraşdırılıb. Burada rezidentlər geniş şəbəkəsi olan elektrik verilişi xətləri ilə təmin olunurlar. Parkın ərazisində elektrik xətləri yeraltı qalereyanın daxili ilə çəkilib. Sənaye parkında 2 ədəd 110/35/6,3 kvt-luq müasir yarımstansiya fəaliyyət göstərəcək. Hazırda yarımstansiyalardan biri tikilib və istismara verilib. Yarımstansiya avtomatik idarəetmə və təhlükəsizlik sistemi ilə təchiz olunub. Digər yarımstansiyanın tikintisi üzrə işlər davam etdirilir.

Qaz paylayıcı şəbəkə

Sumqayıt Kimya Sənaye Parkına bir mənbədən iki istiqamətdən qaz verilişi xətləri çəkilib. Qaz təchizatı avtomatik nəzarət paneli vasitəsilə idarə edilir və bütün təhlükəsizlik normalarına cavab verir. Qaz təchizatı həm istehsalın, həm də digər istehlakçıların tələblərini təmin edir.

Su təchizatı

Sumqayıt Kimya Sənaye Parkında rezidentlər üçün geniş şəbəkəsi olan su verilişi xətləri çəkilib. SKSP-də içməli, texniki və yanğın suyuna olan ehtiyacı ödəmək üçün ümumilikdə 5 ədəd su anbarının inşası nəzərdə tutulur. Eyni zamanda Parkın ərazisindəki məişət, kimyəvi, proses və yağış sularının axıdılması məqsədilə ayrı-ayrılıqda xətlər çəkilib. Park boyu ümumi uzunluğu: 13,5 km yağış suyu xətləri, 10,8 km içməli su xətti, 8 km texniki su şəbəkəsi xətti, 20,6 km yanğına qarşı su xətləri, 11,7 km məişət tullantı suları xətti və 9,3 km kimyəvi tullantı suları xətti çəkilib.

Kanalizasiya və drenaj xətləri

Sumqayıt Kimya Sənaye Parkı ərazisində çirkab, kanalizasiya sularının axıdılması üçün kanalizasiya xətlərinin çəkilib. Eyni zamanda Parkın ərazisindəki məişət, kimyəvi, proses və yağış sularının axıdılması məqsədilə ayrı-ayrılıqda axın xətləri çəkilib. Burada quraşdırılmış sutəmizləyici qurğular vasitəsilə tullantı və proses suları ilkin Sumqayıt sutəmizləyici qurğusuna göndərilir.

Magistral və daxili avtomobil yolları

Sumqayıt Kimya Sənaye Parkı əlverişli coğrafi mövqedə yerləşir. Parkın Bakı-Rusiya magistralına yaxınlığı idxal-ixrac əməliyyatlarını asanlaşdırır. Marşrut xətləri bütün istehsal və qeyri-istehsal məntəqələrini əhatə edir. Burada yüksək standartlara cavab verən daxili avtomobil xətləri salınır.

Parkın ərazisində rahat və maneəsiz hərəkəti təmin etmək məqsədi ilə eni 38 metr, 22 metr, 20 metr, 16 metr və 14 metr olan mərkəzi, dairəvi və ara yollar salınır. Nəqliyyat xətləri Parkın istehsal və qeyri-istehsal təyinatlı bütün ərazisini əhatə edir.

Dəmir yolu xətti

Sumqayıt Kimya Sənaye Parkında rezidentlərə xidmət məqsədilə magistral dəmir yol xəttinə birləşən dəmir yol qovşağı inşa olunacaq. Qovşağın yaxınlığında yükləmə-boşaltma məntəqəsi yerləşəcək. Sənaye Parkının yükləmə-boşaltma qovşağının yaxınlığında dəmiryol stansiyalarının inzibati binasının inşası nəzərdə tutulur. Burada ön ofislər və texniki otaqlar yerləşəcək. Dəmir yol xətləri iki istiqamətdə stansiya "Sumqayıt" və H.Z.Tağıyev stansiyasını birləşdirəcək dairəvi yoldan ibarət olacaqdır.

Videoçarx